Kommunalsjef samfunnsutvikling og drift. Frist 11.11.22

Vi søker ny kommunalsjef samfunnsutvikling og drift, og ønsker oss ein kommunalsjef som tør å tenkje nytt, som er utviklingsorientert og fagleg sterk, ambisiøs, sjølvstendig og som ønsker å jobbe på tvers. Vi skal gje innbyggarane våre gode tenester. Vil du vera med på det?

I Seljord dekkjer tenesteområdet all teknisk drift, vatn og avløp, eigedom og bustad, veg, næring, landbruk, planarbeid, byggesak, oppmåling, miljø og klima, kultur og reiseliv, beredskap, reinhald og bibliotek. Kommunalsjefen har det overordna ansvaret for drifta, for utviklinga av tenestene og det overordna personal-, økonomi- og budsjettansvaret for heile området.

Det skjer mykje spennande i Seljord. Fleire nye område er under utvikling, både når det gjeld næring og bustadar. Vi har ein nyleg vedteken arealplan for Seljord kommune og det er fleire investeringsprosjekt som står for tur.

Kommunalsjef samfunnsutvikling og drift sit i rådmannen si leiargruppe, og kommunalsjefen er sentral også i arbeidet med å utvikle heile Seljord kommune i lag med rådmannen og resten av organisasjonen.

Seljord kommune sin visjon er "Seljord – Det gode vertskap". Denne visjonen skal også syne seg gjennom tenestene våre, kommunen som bustad og kommunen som arbeidsplass.

Kvalifikasjonar:
Til jobben som kommunalsjef søker vi ein dyktig leiar som har høgare relevant utdanning innanfor området og leiarerfaring frå endring og omstilling i offentleg sektor. Utdanning på masternivå vil vere ein fordel.

Vi ynskjer at du

Har høgare utdanning på relevante område for stillinga
Har kunnskap om og erfaring frå arbeid innan samfunnsutvikling og drift
Har kunnskap om og erfaring frå offentleg sektor
Er målretta, utviklingsorientert og ryddig
Kan gjennomføre prosessar frå A til Å
Har gode samarbeidsevner og byggjer gode relasjonar
Har evne til å jobbe på tvers og sjå både detaljar og det store biletet
Dei personlege eigenskapane vil bli vektlagde.

Søkjar bør ha evne til heilskapleg og tverrfagleg fokus både når det gjeld fag og organisasjon. Gode samarbeids- og kommunikasjonsevner, gode evner til å jobbe strategisk og høg etisk standard er ein føresetnad.

Vi tilbyr:

Høve til å vere med å vidareutvikle samfunnsutvikling og drift i Seljord kommune saman med dyktige medarbeidarar
Gode utviklingsmogelegeheiter i ei spennande og utfordrande stilling
Løn etter avtale
10 ekstra fridagar, jamfør HTA kap. 1 § 6.3.
Gode pensjonsvilkår gjennom KLP
Seljord kommune nyttar nynorsk som skriftspråk.

Tilsetting så raskt som råd.

Ved spørsmål om stillinga kan ein ta kontakt med rådmann, Rikke Raknes på tlf. 92256318/ rikke.raknes@seljord.kommune.no

Denne gongen kan ein ikkje søke elektronisk grunna overgang til nytt arkivsystem:
Søknad og CV skal difor sendast på e-post til post@seljord.kommune.no

Søknadsfrist: 11. november 2022